•»QAIDI CHACHA«•
**********************
HIQAYAT
**********
Jung-A-Badr May Jab ALLAH AJJOWAJJAL Ne Musalmano Ko Fateh Aur Kuffaar Ko Shikasht Di To Masalmano Ke Hath Jo Qaidi Aaye Unme Huzoor SALLALLAHU-TA'AALA-ALAIHI-WASALLAM Ke Chacha Hazrat Abbaas Bhi The! Qaidiyon Se Jab Tawaan Talab Kiya Gaya To Hazrat Abbaas Kehne Lage Ki, Aye Mohammad! (SALLALLAHU-TA'AALA-ALAIHI-WASALLAM) Main To Ek Garib Aadmi Hoon! Mere Paas Kya Hain? Makkah May Aapne Mujhe Chhoda Tha To Main Tamaam Qabila Ke Afraad Se Garib Tha! Huzoor SALLALLAHU-TA'AALA-ALAIHI-WASALLAM Ne Farmaya, Ab Jabki Aapne Apne Ghar Se Fauj-A-Kuffaar Ke Sath Jung-A-Badr May Aana Chaha To Aap Apni Biwi Umme Fazl Ko Poshidgi May Chand Sone Ki Intain Deker Aaye The! Chacha Jaan! Yeh Raaz Aap Kyon Chupa Rahe Hain? Hazrat Abbaas Yeh Gaib Ki Baat Sunker Hairaan Reh Gaye Aur Ba-Qaul-A-Shayer-
Janab-A-Hazrat Abbaas Pe Rasha Hua Taari,
Ki Paighamber To Rakhta Hain Dilon Ki Bhi Khaberdari,
Kyaal Aaya Musalman Nek Wa Badh Pehchaan Jate Hain,
Mohammad Aadmi Ke Dil Ki Baatain Jaan Jate Hain!
Huzoor Ki Yeh Ittela Alal-Gaib Ka Moajiza Dekhker Hazrat Abbaas Imaan Le Aaye!
(Dalayilul-Nabiya, Jild-2, Pg-171)
*********************************
SABAK
*******
Hamare Huzoor SALLALLAHU-TA'AALA-ALAIHI-WASALLAM Se Koi Baat Makhfi Nahi! ALLAH AJJOWAJJAL Ne Har Chiz Ka Huzoor Ko Ilm De Diya Hain! Yeh Ilm-A-Gaib Bhi Huzoor Ka Ek Moajiza Hain Jisper Har Musalman Ka Imaan Hain!
*********************************